PREGUNTAS HABITUAIS
|
ORGANIZACIÓN
|
DESENVOLVEMENTO DAS CLASES
|
|
Teño que ser socio para participar na Escola?
Si. Un responsable do menor de idade que participe na Escola debe ser socio para que o menor poda recibir clases, e no caso de alumnado adulto, o estudante debe ser socio, pagando anualmente a cota correspondente. A cota de socio dá acceso a tódolos membros da unidade familiar do socio (fillos, tutelados ou cónxuxe). Podo matricularme despois de finalizar o período establecido? En xeral, si; aínda que podería quedar fóra se non quedaran prazas libres. Pregamos que neste caso chamen ó número 699 45 82 67 ou envíen un correo electrócnio a [email protected] para solicitar información. Como funciona o préstamo de instrumentos? A Asociación dispón dunha serie de instrumentos de préstamo para os alumnos da Escola e das Bandas da Asociación. Pregamos que contacten coa Xunta Directiva nestes casos. Nalgúnas ocasións, a boquilla ou algún accesorio, por motivos de hixiene, non están dispoñibles no préstamo. O préstamo de instrumentos debe renovarse cada curso que o alumno estea na Escola, e o alumnado de incorporación máis recente e cursos menores ten prioridade na asignación de instrumentos de préstamo. Podo pagar nas clases? Non, farase na oficina no horario de atención establecido cada curso, facendo unha transferencia ó número de conta bancaria ou concertando unha cita cun responsable no teléfono da Asociación a través do teléfono 699 45 82 67. 
Coñecendo os instrumentos - Novembro de 2016
|
En que consisten as clases de música e movemento?
As clases de música e movemento son clases cunha programación especial para nenos de menos de 7 anos de idade. Os nosos profesores ensinan ritmos, as notas musicais, liguaxe corporal, cancións, e sobre todo moita educación auditiva sempre dentro dun contexto lúdico e activo. Hai unha hora semanal de clases de música e movemento e poden acceder a ela nenos dende os 3 anos. O ano pasado xa acudía a clases dun instrumento. Podería comezar este curso con outro diferente? Si, sen problema. As clases de instrumento son individuais e o profesor axusta o programa educativo ó nivel do alumnado. A partir de que idade pode matricularse o alumno/a de clases de instrumento? O noso programa educativo está deseñado para que os nenos de a partir de 7 anos (Iniciación a Linguaxe Musical) comecen a estudar instrumento dende o principio do curso. Prefiro que o alumno/a comence as clases de instrumento en Xaneiro. Pode ser? Si. A partir de Iniciación a Linguaxe Musical o alumnado pode matricularse de instrumento na matrícula de setembro. A elección de instrumento pódese pospoñer ata xaneiro, aínda que só haberá praza nos instrumentos que quedaran libres na matrícula de setembro. O alumno/a acude a clases na escola de música, ten que formar parte da banda? Os nenos e nenas da escola, dende o momento que o profesorado o considere oportuno polo nivel acadado, deberán incorporarse a Banda Infantil e a Xove Banda. Actualmente chegouse ao acordo de que os alumnos entre 3º e 6º curso sexan os que maioritariamente formen a Banda Infantil e logo desta etapa formativa ingresen na Xove Banda de Narón antes de abandonar a Banda Infatil. O alumno pode ir só a clases de instrumento, sen ir a Linguaxe Musical? Non. A base teórica é necesaria para a interpretación do instrumento segundo o noso programa educativo. No caso de que o/a alumno/a estea a recibir clases de Linguaxe Musical noutro centro ou Escola, si se pode considerar ó alumno exento destas clases. O/A socio/a debe xustificar que o alumno/a estea recibindo esta formación equivalente á que se ofrece ao alumnado da nosa escola de música. |
